Канадската министерка за надворешни работи Анита Ананд изјави дека на дневен ред се безбедноста на Арктикот, војната во Украина и гарантирањето на мирот на Блискиот Исток.
Ананд нагласи дека во сегашниот период на геополитичка нестабилност, американскиот државен секретар Марко Рубио е „многу конструктивен член“ на Г7 и ја пофали улогата на САД во напорите за постигнување мир на Блискиот Исток.
Ананд е министерка од мај, а Рубио ја презеде функцијата државен секретар во февруари. Најдолговечен член на Г7 на овој состанок е италијанскиот министер за надворешни работи Антонио Тајани.
- Ова не се времињата на Кисинџер, кога еден влијателен дипломат го диктира дневниот ред. Сега сите се нови во улогите, изјави Џон Киртон, основач на Центарот за истражување на Г7.
Ананд додаде дека очекува разговорите да се фокусираат на патот кон долгорочен мир во Украина и на Блискиот Исток.
„Треба да бидеме амбициозни кога станува збор за долготраен мир“, нагласи таа.
