Жителите опишаа сцени на бранови високи до два метра и поплавени патишта во туристичкиот град Куа Ло, објави Ројтерс.
Државните медиуми објавија дека електричната енергија е исклучена во покраината Ха Тин, дека покривите се оштетени, а рибарските фарми се уништени.
Каџики го погоди брегот на покраините Нге Ан и Ха Тин во недела наутро, со ветрови од 118 до 133 километри на час, што е намалување од претходните налети од 166 километри на час.
Околу 30.000 луѓе беа евакуирани поради тајфунот, додека повеќе од 16.500 војници и 107.000 паравоени сили беа распоредени за евакуации и можни спасувачки операции.
A powerful typhoon has made landfall over eastern Vietnam, and is battering coastal areas with strong winds and heavy rain. Typhoon Kajiki has delivered gusts up to 118-133 km/h (73-82 mph), the National Center for Hydro-Meteorological Forecasting says. pic.twitter.com/TsAVoJhLr8
— The Times Of Earth (@timesofearth) August 25, 2025
Виетнамската метеоролошка агенција предупреди дека врнежите од дожд би можеле да достигнат 500 милиметри во северниот дел од земјата до крајот на утрешниот ден.
Аеродромите во покраините Тан Хоа и Куанг Бин беа затворени, соопшти Управата за цивилно воздухопловство на Виетнам.
Виетнам ерлајнс и Виетџет откажаа десетици летови до и од областа вчера и денес.
Тајфунот, исто така, помина покрај јужниот брег на кинескиот остров Хајнан во неделата, каде што бизнисите и јавниот превоз беа затворени.
A powerful typhoon has made landfall over eastern Vietnam, and is battering coastal areas with strong winds and heavy rain. Typhoon Kajiki has delivered gusts up to 118-133 km/h (73-82 mph), the National Center for Hydro-Meteorological Forecasting says. pic.twitter.com/PNpQroPZdk
— The Times Of Earth (@timesofearth) August 25, 2025
Кинеското Министерство за транспорт предупреди на ризикот од секундарни катастрофи и ги повика локалните власти да бидат внимателни, додека кинеските граѓани во Виетнам беа повикани да бидат во состојба на готовност.
