Грозното злосторство се случило кон крајот на септември во Сао Паоло, а детето нема да биде обвинето за убиство поради неговата возраст.
На кобниот 25 септември, Калина Аруда дос Сантос отишла во станот на својот поранешен сопруг за да го земе својот деветгодишен син за да можат да си одат дома заедно. Момчето наводно побарало да остане за да може да биде со својот постар брат и да излезе со него, но Калина не му дозволила, велејќи дека мора да си одат дома да се искапат и да вечераат, што го налутило момчето.
Помеѓу мајката и синот дошло до расправија, по што момчето отишло во кујната и зело нож, кој потоа го скрил во ракавот од дуксерот. Кога се вратил во ходникот, каде што стоела неговата мајка, расправијата повторно започнала, а Калина наводно му рекла на момчето дека ќе „го тужи кај неговиот чичко затоа што не ја слуша“, по што момчето извадило нож и ја прободело во стомакот.
Во моментот на ужасот, најстариот син на Калина, Пауло (19), исто така бил во станот. Младиот човек го слушнал врескањето на мајка си и се стрчал кон вратата, несвесен што се случило. Потоа, во шок, го грабнал ножот од раката на брат му. Според нејзината снаа Марија, Калина тогаш, облеана во крв, го замолила момчето да ја прегрне бидејќи нема да преживее.
Марија вели дека еден од нивните роднини бил исто така во станот во времето на несреќата. Таа вели дека Пауло и тој роднина ја прегрнале Калина, но дека момчето кое ја избодело само стоело таму и не направило ништо.
Калина била итно префрлена во болница, каде што им подлегнала на повредите. Според локалните медиуми, момчето со ножот сериозно ги повредило црниот дроб и бубрезите на мајка си, пренесоа локалните медиуми.
Марија, која е сестра на поранешниот сопруг на Калина, рекла дека полицијата дури и не го привела момчето на сослушување бидејќи, според законот, тој не може да биде повикан на кривична одговорност. Таа рекла дека тој ја поминал ноќта кај неа. Марија рекла дека малото момче постојано објаснувало како е луто на мајка му затоа што таа не му дозволувала да прави што сака. „Мислам дека дури и не сфати што направил“, рекла свекрвата на убиената жена.
