Појавувајќи се во подкастот „ Call Her Daddy “ на Алекс Купер на 22 октомври, 51-годишната Бекам отворено зборувала за емоционалната и физичката злоупотреба што ја доживеала како дете и тинејџерка.
„Се сеќавам како стоев на игралиштето, буквално сама, а децата само собираа лименки Кока-Кола од барички и ги фрлаа по мене“, рекла таа. „Бев физички и психички малтретирана во училиште, а за менталното здравје не се зборуваше како што се зборува денес, па затоа само го туркав сето тоа настрана. Ме правеше сè посрамежлива.“
„Таа не се вклопуваше“
Викторија се присети како била тинејџерка која „не се вклопувала затоа што додека сите други деца пушеле и се дружеле по училиште, таа одела на часови по танцување или глума.“ Таа додаде дека дури и возрасните во нејзиниот живот се однесувале слично како и нејзините врсници.
Несигурности и здравствени проблеми
Нејзиниот изглед бил уште еден извор на несигурност. „Кога си помлада, хормоните ти се менуваат. Телото ти се менува“, рече Викторија. Таа додаде дека ја сметале за „глупава“ поради нејзините лоши оценки. „Покрај тоа, како тинејџерка ми беа дијагностицирани полицистични јајници. Ми рекоа дека можеби ќе имам потешкотии да забременам. Кога си тинејџерка, тие работи е тешко да се прифатат.“
Иако Бекам нагласи дека има родители кои ја поддржуваат, таа се срамела да зборува за малтретирањето со кое се соочила. „Не кажав никому, целиот мој школски живот беше ужасен.“ Неодамна проговори за сè што ѝ се случи во нејзиниот документарец.
Потсмевањето продолжи и на универзитетот, каде што ѝ било кажано дека не е „доволно добра“ или дека е „премногу дебела за да биде на сцената“. „Мислам дека тоа ме зајакна и ме подготви за она што следуваше“, рече таа.
