Тој беше поддржан од жена која требаше да биде клучен сведок на обвинителството против него, пишува TMZ.
Писмо до судијата
Вирџинија Хун, попозната како „Џина“ за време на судењето, испрати писмо до судијата во име на Диди, остро критикувајќи ги обвинителите за она што таа го тврди дека е притисок да ја преземе улогата на „Жртва 3“ во обвинението. Да потсетиме, во јули, Диди беше прогласен за виновен по две точки од обвинението според Законот Ман - за нелегален превоз на лица преку државни граници со цел проституција.
Обвинувања против тужителот
Во своето писмо, Џина наведува дека целосно соработувала со обвинителите, се сретнала со нив три пати и одговорила на сите нивни прашања. Таа тврди дека им ги дала сите докази што ги имала, вклучувајќи фотографии, видеа и текстуални пораки. И покрај ова, таа вели дека чувствувала силен притисок од обвинителството да ја игра улогата на жртва, дури и откако им ставила до знаење дека не е.
Џина истакнува дека обвинителите инсистирале на наративот дека таа била жртва на трговија со луѓе со цел сексуална експлоатација и дека музичкиот могул ја принудил на проституција.
„Никогаш не сум била жртва“
Сепак, Џина цврсто стои зад својот став во писмото, нагласувајќи дека „никогаш не била жртва на трговија со луѓе, ниту пак некогаш се занимавала со проституција со Диди или со некој друг“. Таа додаде дека доколку била повикана на сведочењето, ќе сведочела токму за тоа - за својата вистина.
Јавноста можеби се сеќава дека Џина требаше да сведочи за обвинителството, но обвинителите го информираа судот пред почетокот на судењето дека „изгубиле контакт“ со неа и нејзиниот адвокат. Подоцна напиша писмо под своето вистинско име барајќи од судијата да го ослободи Диди со кауција.
Изрекувањето на пресудата на Диди е закажано за петок, 3 октомври, во 10 часот по локално време.
