Имено, според тврдењата на неколку извори, еден член од нејзиниот тим наводно бил мобилизиран во украинската армија, пишува Политико.
Ѕвездата од филмската серија „Томб Рејдер“ во вторникот го посети Херсон, град на фронтот, како амбасадор на УНИЦЕФ. Ова е нејзина втора посета на Украина од почетокот на руската инвазија во 2022 година, откако претходно го посети Лавов.
Инцидент на контролниот пункт
Висок украински функционер потврди за Политико дека член на придружбата на актерката имал инцидент со воени регрути на контролниот пункт, но властите сè уште истражуваат што точно се случило. Истиот функционер откри и дека Џоли не ја известила украинската влада за нејзиното пристигнување и влегла во земјата пешки.
Спротивставени информации
Дополнителна конфузија внесе и соопштението на Копнените сили на украинската армија. Тие првично објавија детално соопштение во кое се наведува дека возачот на актерката бил мобилизиран, но објавата подоцна беше избришана. Тие за Политико изјавија дека не можат „ниту да потврдат ниту да ги негираат“ деталите за инцидентот. „Информациите што се шират во медиумите се искривени, истрагата е во тек и сите околности се разјаснуваат“, се вели во нивното последователно соопштение.
Сепак, регионалната канцеларија за регрутирање во Николаев го потврди инцидентот, наведувајќи дека возачот на Анџелина Џоли бил регрут и добил покана за воена обука. Засега не е познато дали морал веднаш да се јави на повикот или ќе се јави подоцна. Тимот на актерката одбил да даде официјален коментар за целиот случај.
