АНАЛИЗА: Владата на СДСМ најлоша досега, НЕ СКЛУЧИЛА НИТУ ЕДЕН ТРГОВСКИ ДОГОВОР

12.01.2020
vesnik-fb-blue
vesnik-twitter-blue
АНАЛИЗА: Владата на СДСМ најлоша досега, НЕ СКЛУЧИЛА НИТУ ЕДЕН ТРГОВСКИ ДОГОВОР

Во период од безмалку три години, владата предводена од СДСМ не успеала да склучи ниту еден трговски договор, што ја рангира на дното на листата на која се рангирани сите досегашни влади на Македонија, покажува анализата на м-р Филип Ивановски од идеолошкиот и аналитички центар Конзерватив МК.

Според последните податоци на Министерството за економија и Министерството за финансии, бројот на потпишани меѓународни договори за трговија бележи драстично намалување за време на мандатот на сегашната влада предводена од СДСМ. Овој негативен тренд се должи на фактот што сегашната влада не потпишала ниеден трговски договор за време на својот досегашен мандат.

Како резултат на ова, во периодот мај 2017 – ноември 2019 година, во однос на предходните две и пол години, бројот на склучени трговски договори помеѓу Македонија и други земји е намален за максимални 100 отсто.

За споредба, во предходниот двеипол годишен период од ноември 2014 до април 2017 година, тогашната влада на ВМРО-ДПМНЕ склучила точно шест вакви договори.

Слика: склучените договори во последните 2,5 години од владеењето на центар-десно владата предводена од ВМРО – ДПМНЕ. Потпишани трговски договори со: Израел, Данска, Србија, Емирати, Саудиска Арабија и Виетнам.

Според истражувањето, резултатите на сегашната влада на СДСМ се најлоши од осамостојувањето на Македонија. Подобри резултати сме имале дури и во првите две и пол години од нашата независност, односно во периодот јануари 1991– јуни 1993година, кога тогашниот државен врв успеал да потпише два трговски договори, од кои еден со Словенија во февруари 1992 и еден со Русија во мај 1993година.

 

 

– Идната влада да не ги повтори грешките на сегашната влада и да работи на склучување на нови трговски договори со земји од Европа и светот. На овој начин ќе обезбедиме поголема побарувачка за македонските производи во странство, поефтини странски производи во Македонија и повеќе инвестиции, вели авторот на анализата Филип Ивановски, кој има магистрирано на Универзитетот во Торонто.

Вкупно гледано, најголем број на трговски договори биле потпишани во времето на предходната влада на ВМРО-ДПМНЕ, односно во периодот од 2006 до 2017 година, кога тогашната власт потпишала рекордни 45 вакви договори. Најдобар резултат сепак има владата на Љубчо Георгиевски, која во периодот 1998–2002 година, во просек склучила по 8 трговски договори на година што е многу повеќе од која било друга македонска влада досега.

 

 

За неупатените, трговски договор е спогодба која ја унапредува трговијата помеѓу две или повеќе земји, односно ја олеснува меѓународната размена на стоки, услуги и капитал.

–Причината поради која трговските договори се толку чести во меѓународните односи насекаде низ светот е тоашто тие создаваат поволна бизнис клима и пред сѐ услови за инвеститорите и друштвата за трговија да можат поедноставно и побезбедно да ја вршат својата дејност, потенцираше Ивановски.

Праксата познава повеќе видови на трговски договори, притоа скоро и да нема држава во светот што не склучила ваков договор.

–Несфатливо е како може на пример едно Косово, чија независност сѐ уште е оспорувана, да има потпишано трговски договор со Канада, а Македонија да нема иако таму живеат околу 100.000 Македонци. Долга е листата на вакви нелогичности кои за жал се дел од нашата политичка реалност, изјави за крај авторот на анализата.

Останува да се види дали сегашната владеачка гарнитура ќе успее да склучи барем еден трговски договор во преостанатите три месеци од најзиниот мандат.

Рангирањето е направено врз основа на четири индикатори:

  • Број на склучени Договори за слободна трговија;
  • Број на склучени Договори за трговска и економска соработка;
  • Број на склучени Договори за поттикнување ивзаемна заштита на инвестициите;
  • Број на склучени Договори за избегнување на двојно оданочување.

 

  1. Вкупен број на склучени договори:

                        СДСМ (1990-1998): 35

                        ВМРО-ДПМНЕ (1998-2002): 34

                        СДСМ (2002-2006): 5

                        ВМРО-ДПМНЕ (2006-2017): 45

                        СДСМ (2017-2020): 0

 

  1. Просек на склучени договори годишно:

                        СДСМ (1990-1998): 4.3

                        ВМРО-ДПМНЕ (1998-2002): 8.2

                        СДСМ (2002-2006): 1.2

                        ВМРО-ДПМНЕ (2006-2017): 4.2

                        СДСМ (2017-2020): 0

 

  1. Земји со кои Македонија има склучено трговски договор:

Албанија, Азербејџан, Бугарија, Белорусија, БИХ, Велика Британија, Виетнам, ЕУ (27 Земји), Египет, ЕФТА (Швајцарија, Норвешка, Лихтенштајн и Исланд), Иран, Индија, Израел, Казахстан, Кувајт, Кина, Катар, Косово, Мароко, Малезија, Обединети Арапски Емирати, Русија, Северна Кореа, Србија, Саудиска Арабија, Турција, Тајван, Украина, Црна Гора.

Автор на анализата: Филип Ивановски, магистар на Универзитетот во Торонто​​​​​​​

© vesnik.com, правата за текстот се на редакцијата