Samsung веќе напорно работи на својот следен предводник на пазарот на паметни телефони, а Samsung Galaxy S11 најверојатно ќе биде промовиран во февруари следната година. На тој начин, Samsung ќе се обиде да ја зголеми предноста пред конкуренцијата во индустријата уште од првите недели од новата година. Протекоа информации дека компанијата ја регистрирала трговската марка „SAMOLED“ во своето име во Корејската канцеларија за интелектуална сопственост, пренесува gsmarena.
Податоците откриваат дека SAMOLED е поврзан со новата генерација на екрани за паметни телефони. Сосема е логично Samsung Galaxy S11 да биде првиот уред што има панел со новата марка. Сè уште немаме информации дали дисплеите со името SAMOLED ќе користат различна технологија на производство. Компанијата веројатно сака да ги разликува од панелите Super AMOLED, кои исто така се заштитен знак во сопственост на Samsung.
Ве потсетуваме дека Samsung Galaxy S10 користи Dynamic AMOLED дисплеј кој има густина на пиксели од 526ppi. Всушност, тоа е OLED екран кој поддржува видео HDR10 +. Според непотврдени официјални информации, Samsung Galaxy S11 повторно ќе има мал отвор за предната камера на дисплејот. Новиот дисплеј се очекува да го продолжи времето на работа со едно полнење.
извор: USB.mk
