Имено, Црниот петок во 2025 година паѓа на 28 ноември, а потекнува од САД, каде што се слави ден по Денот на благодарноста, и од тој ден официјално започнува сезоната на божиќни купувања уште од 1952 година.
Многу продавници нудат големи попусти и распродажби, а често се отвораат многу рано – понекогаш и на полноќ, па дури и на самиот Ден на благодарноста. Некои продавници ги продолжуваат попустите до понеделник, познат како „сајбер-понеделник“.
Црниот петок не е официјален празник, но во Калифорнија и неколку други држави се смета за државен празник за јавните службеници, понекогаш наместо Колумбовиот ден. Многу вработени во малопродажба и ученици имаат слободен ден на Денот на благодарноста и следниот ден, што заедно со викендот создава четиридневен одмор – идеален за шопинг.
Од 2005 година, Црниот петок е најпрометниот ден за купување во САД, иако некои медиуми и порано го прикажувале така. Секоја година во овој период се објавуваат приказни за купувачка хистерија, редици и недостиг од стока, што создава уште поголем интерес кај потрошувачите.
Во 2014 година, потрошувачката на Црниот петок се намали за првпат од финансиската криза во 2007 година – се потрошиле 50,9 милијарди долари, што е пад од 11% во однос на претходната година. Иако економијата не била во криза, раните божиќни распродажби придонеле да се намали значењето на Црниот петок, бидејќи многу трговци денес нудат попусти во текот на целиот ноември и декември, наместо само на еден ден или викенд.
Како паметно да се подготвиш за Црн петок
-Направи буџет
-Напиши листа приоритети
-Истражи цени однапред
-Пријави се и следи продавниците
-Подготви плаќање
-Направи споредба (price comparison)
-Проверка на поврат и гаранција
-Користи купони и cashback
-Планирај логистика
-Биди брз, но не паничи
-Читај рецензии и видеа
-Размисли за подароци однапред
-Остави простор за непредвидено
