Разочараната жена ја споделила својата приказна на Reddit, објаснувајќи дека нејзината пријателка минатиот викенд имала „слатка“ и „интимна“ церемонија во дворот, на која присуствувале околу 40 луѓе.
„Сите претпоставивме дека е нејзината вистинска свадба“, напишала авторката на објавата.
Но, неколку дена подоцна, таа направила шокантно откритие.
„Видов некој како објавува фотографии од нејзината втора свадба следниот ден - ист младоженец, сосема поинаква локација, поинаков список на гости и атмосфера. Голем бел фустан, скапо место, бенд во живо, храна во чинија. Се испостави дека она на што отидов била „пред-свадба“ за пријатели кои „не можеле да дојдат на вистинската свадба“, додаде жената.
Таа рекла дека целата ситуација ја оставила да се чувствува „измамена“.
- Купив подарок, патував три часа, а сега се чувствува како да не сум поканета ниту на малата свадба, заклучила таа во својата објава, која ја насловила „Тајна втора свадба“.
Во делот за коментари, други корисници на Reddit се вклучија, при што повеќето го опишаа однесувањето на невестата како „некултурно“ и „грубо“. Некои дури сугерираа дека невестата ја искористила првата свадба како „можност за собирање подароци“.
„Имате целосно право да се чувствувате навредено и отфрлено“, „Тоа лице организираше раскошно собирање подароци од своите „помалку важни“ пријатели. Дури и „пријатели“ треба да бидат во наводници затоа што не беа искрени ниту со вас за втората свадба“, „Тоа не е вистинска пријателка. Лично, јас би прекинал секаков контакт со таа личност, особено затоа што „не ги исполнувате“ нивните стандарди“... беа само некои од коментарите.
