Инцидентот се случи минатата сабота, кога Мјуз и неговите пријатели отишле на ноќен риболов за да го прослават неговиот роденден. Според видеото, група Американци ја извлекле ајкулата на брегот, а славеникот позирал за селфи.
Ајкулата нападнала во миг
Неколку моменти подоцна, некој извикал: „Браво, другар“, а потоа сè тргнало наопаку. Додека младиот човек ја држел ајкулата за главата, а неговиот пријател за опашката, таа се свртела во миг и го зграпчила за ногата.
Несреќниот човек почнал да вреска од болка, додека морскиот предатор исчезнал во длабочините, објавува ProtoThema.
Вознемирувачкото видео предизвикало лавина од коментари на мрежите, а многу корисници го критикувале повредениот млад човек.
A man was bitten by a shark and had to be airlifted to a nearby hospital for treatment during a fishing trip in southwestern Florida. #shark #sharkbite #fishing #florida #sharkattack pic.twitter.com/4sNpSp40uh
— 7NEWS Australia (@7NewsAustralia) August 20, 2025
Речиси фатално селфи
„Си играш со својот живот и ова се последиците“, напишало едно лице, додека друго додало: „Требаше да ја вратиш во водата, а не да се сликаш“.
Ајкулата во видеото е вид на Negaprion brevirostris и е заштитена со закон.
Според Комисијата за заштита на рибите и дивите животни на Флорида, имало ретки инциденти на напади врз луѓе, без смртни случаи.
