Целата приказна, која започнала со понуда за награда од 100 евра, набрзо добила неверојатен и урнебесен пресврт, пишува Blic.rs.
„Здраво на сите, ги изгубив моите AirPods на Exit, вториот ден, нудам награда од 100 евра за секој што ќе ги најде! Беа изгубени во близина на тунелот до реге сцената“, напишал тој во својот прв пост.
Патување во Хургада
По речиси еден месец без никаква трага, апликацијата за следење открила дека слушалките се активирале илјадници километри подалеку - во Хургада, Египет, веднаш до аеродромот. Сопственикот не се откажал.
Lost Airpods - Exit Tunnel
byu/Budget_Debt_2516 inExitfestival
„Ако некој е таму на одмор или има пријател или тим што може да ги земе од овој невнимателен човек, следува голема парична награда. Вреди да се проба. Ако ова стигне до лице кое има слушалки и ги врати, ќе добиете парична награда... Тешка одлука, но што може да се направи. Јас лично би отишол да ги барам слушалките преку опцијата „насоки“, но имам скршено колено“, додаде тој.
Сосед ги зеде?
Целосен пресврт се случи кога, по два месеци, слушалките „се вратија од одмор“ и се појавија на локација што не можеше ни да ја замисли - во неговата зграда во Нови Сад.
UPDATE - Airpods Pro u Hurgadi?
byu/Budget_Debt_2516 inAskSerbia
„Се вратија од Египет во Нови Сад, што значи дека некој сосед ми ги зеде. Сега сум 99 проценти сигурен дека се во зградата и не знам како да го фатам без да се јавам во целата зграда и да прашам дали некој сосед бил во Хургада“, напиша фрустрираниот сопственик.
„Знам што правеше ова лето“
Иако сопственикот воопшто не ја сметал ситуацијата за смешна, корисниците на Reddit беа воодушевени од пресвртот на настаните. Во коментарите, тие му понудија совети, а многумина се пошегуваа со него.
„Закачи слика на влезната врата и кажи: „Знам што правеше ова лето“, предложи еден корисник. Друг додаде: „Брате, заглавен си со тие слушалки. Не можеш да се простош од нив, а немаш и храброст (и колена) самиот да ги бараш.“
Имаше и такви со практични идеи: „AirPods имаат можност да ѕвонат. Оди по полноќ со неколку пријатели и нека застанат сите пред становите - оној што ѕвони, таму се слушалките“.
