Нејзиниот син Касијан бил толку голем што лекарите и акушерките во породилната сала останале без зборови. Нејзината приказна брзо се проширила на социјалните мрежи и привлече големо внимание.
Видеото објавено од Шелби на TikTok покажува споредба на нејзиниот труднички стомак и Касијан веднаш по раѓањето. Видеото е прегледано повеќе од 40 милиони пати и собрало повеќе од четири милиони лајкови.
@shlbmrtn Replying to @pola.ar oh ok #fyp #bigbaby ♬ original sound - shebbly
Шелби призна дека чувствувала страв и физички притисок за време на бременоста. „Мислев дека нема да преживеам“, рекла таа. Касијан постојано растел, а нејзината желба за природно породување морала да се отфрли поради неговата големина. Лекарите заклучиле дека вагиналното породување може да биде ризично и препорачале царски рез.
„Постоел реален ризик бебето да се заглави за време на породувањето, што сè променило. Знаев дека најпаметниот избор е царски рез“, изјавила таа за списанието People. „Имав среќа бидејќи имав неверојатен тим на кој му верував целосно. Знаевме дека ќе биде голем, но никогаш не замислував дека ќе тежи речиси шест килограми.“
Првите денови на интензивна нега
По породувањето, Касијан мораше да помине десет дена на одделот за интензивна нега за новороденчиња. Телото на неговата мајка, исто така, претрпе сериозни последици. Шелби за Today изјави дека имала проблеми со колковите. „Мојот физиотерапевт подоцна ми кажа дека зглобот на колкот буквално ми испаѓа“, рече Американката.
Кога се родило бебето, целата операциона сала замолкна. „Штом го извадија, сите беа без зборови. Беа во шок кога видоа колку е големо“, се присети Шелби.
Касијан е роден на истиот ден како и неговата мајка, што особено ја трогна Шелби. Таа го нарече свој „најголем подарок“.
Иако тежината на Касијан изгледа неверојатна, тој не е меѓу најголемите новороденчиња забележани во историјата. Во 2020 година, во Велика Британија се роди момче по име Алфа, со тежина од 6,3 килограми. Ова го направи трето најголемо бебе родено во таа земја.
