Вежбата, во која беше вклучена боева муниција, вежби за координација на море и воздух, брзи маневри и надополнување гориво на море, имаше за цел тестирање на интегрираните заеднички борбени способности.
Но, кинеската армија не соопшти детали за точната локација и време на воената вежба.
Во меѓувреме, кинеското Министерство за одбрана соопшти дека министерот за одбрана Донг Џун денеска во Москва се сретнал со рускиот колега Андреј Белоусов. Двајцата министри разговарале за зајакнување на стратешката комуникација и продлабочување на практичната соработка во сите области.
Предвидено е Донг да отпатува и за Киргистан, каде што ќе учествува на состанокот на министрите за одбрана од земјите-членки на Шангајската организација за соработка.
