„Европската унија не е основана за да измами никого. Сосема спротивно“, објави Туск на X.
Европската унија е основана „за да го зачува мирот, да воспостави почит меѓу европските нации, да промовира слободна и фер трговија и да го зајакне трансатлантското пријателство. Толку е едноставно“, додаде тој.
The EU wasn’t formed to screw anyone. Quite the opposite. It was formed to maintain peace, to build respect among our nations, to create free and fair trade, and to strengthen our transatlantic friendship. As simple as that. 🇪🇺🇺🇸
— Donald Tusk (@donaldtusk) February 27, 2025
Полска претседава со Европската унија до јуни, што стана цел на жестоки критики од американскиот претседател Доналд Трамп откако се врати на власт. Трамп вчера изјави дека Европската унија е основана за да ги „излаже“ САД и се закани со царини од 25 отсто за европските производи.
„Ги сакам европските земји. Ги сакам сите тие земји, сите различни, навистина. Но, Европската унија беше дизајнирана да ги измами Соединетите држави. Тоа беше целта и тие го постигнаа тоа“, рече Трамп на својот прв состанок на кабинетот во Белата куќа.
По ова соопштение, Европската комисија најави дека ќе реагира одлучно и навремено против неоправданите пречки за слободната и фер трговија.
„ЕУ ќе реагира одлучно и веднаш против неоправданите пречки за слободната и фер трговија, вклучително и кога тарифите се користат за да се оспорат законите и недискриминаторните политики“, рече портпаролот на Комисијата како одговор на барањето за коментар за забелешките на Трамп.
