Осомничениот подоцна почина откако падна од зградата на трговскиот центар, објави Би-Би-Си.
Полицијата соопшти дека осомничениот бил прогласен за мртов во болница откако скокнал од шестиот кат на зградата, објави Тајванската централна новинска агенција.
Осомничениот, идентификуван како 27-годишниот Чанг Вен, фрлил димна бомба во близина на подземниот излез на метро станицата Тајпеј Мејден, во близина на главната железничка станица, предизвикувајќи паника и стампедо меѓу пешаците, објавија локалните медиуми.
Потоа се упатил кон север кон популарна шопинг-зона, каде што со нож избодел неколку луѓе на првиот и четвртиот кат од продавницата Еслајт, најчесто прободувајќи ги во вратот, соопшти агенцијата, повикувајќи се на полицијата.
Локалните болници потврдија три смртни случаи, додека градските власти соопштија дека уште девет лица се хоспитализирани, од кои едно е во сериозна состојба.
Тајванскиот премиер Чо Чунг-те изјави дека еден од повредените е пешак кој паднал на земја по нападот и имал срцев застој пред да биде префрлен во болница, додека чадот предизвикал повреди на респираторниот систем кај друго лице.
Чанг не се јавил на обука за воена резерва во ноември 2024 година и бил баран поради кршење на законот за задолжителна воена служба, објави агенцијата.
Се наведува дека не се јавил за промена на живеалиштето, поради што не му била доставена покана за обука за воена резерва, објави агенцијата, повикувајќи се на окружниот обвинител.
