Пожарникарите се упатиле кон болницата „Сент Гајс и Томас“ во центарот на Лондон утрово откако Лондонската противпожарна бригада добила повик во 8:49 часот наутро, објавува „Дејли меил“.
Околу 150 луѓе се евакуирани од подрумот и приземјето на зградата.
Снимките на социјалните мрежи покажуваат маж на патерици и постара жена како се изнесуваат од зградата.
Персоналот на болницата беше виден како стои и разговара покрај амбулантно возило додека пожарникарите влегуваа внатре за да се справат со проблемот.
Главниот влез е блокиран со жолта лента, додека вработените во службите за итни случаи се собраа околу амбулантното возило.
Екипи од Вајтчепел, Дугејт, Јустон и околните противпожарни станици се испратени на местото на настанот.Фотографиите објавени на социјалните мрежи покажуваат толпи луѓе на улицата „Штајнер“ пред болницата „Сент Гајс“.
Две противпожарни возила, две единици за спасување, командна единица и специјалисти за опасни материјали се на местото на настанот.
Екипите вршат операции за вентилација во зградата.
„Дејли меил“ побарале коментар од Лондонската противпожарна бригада и Лондонската служба за брза помош.
