Макрон во Киев: Подготвени сме да помогнеме ако има прекин на огнот од 30 дена

10.05.2025
vesnik-fb-blue
vesnik-twitter-blue
Макрон во Киев: Подготвени сме да помогнеме ако има прекин на огнот од 30 дена

- Во случај на 30-дневно примирје, започнуваме директни разговори меѓу Украина и Русија, изјави Макрон за француските медиуми додека патуваше со воз за Киев.

- Подготвени сме да помогнеме, додаде францускиот претседател.

Тој предупреди дека ќе има дополнителни, „многу поостри“ санкции ако Москва не го прифати прекинот на огнот.

Макрон, германскиот канцелар Фридрих Мерц и британскиот премиер Кир Стармер утрово пристигнаа во Киев заедно со полскиот премиер Доналд Туск, за да изразат поддршка на Украина.

Посетата е симболичен одговор на комеморацијата на 80-годишнината од победата над нацистичка Германија, која вчера се одржа на Црвениот плоштад, со учество на рускиот претседател Владимир Путин и дваесетина странски лидери, меѓу кои и кинескиот претседател Си Џинпинг. 

© vesnik.com, правата за текстот се на редакцијата