На видеото се гледа како вооружени лица се симнуваат од хеликоптер и го киднапираат Galaxy Leader во јужниот дел на Црвеното Море. Хутите тврдат дека бродот е поврзан со Израел, објави Скај Њуз.
Меѓутоа, Израел вели дека бил во британска сопственост и управуван од Јапонци. Израелскиот премиер Бенјамин Нетанјаху тврди дека ова е чин на ирански тероризам.
Хутите се дел од регионалната алијанса поврзана со Иран во која се вклучени и Хамас и либанскиот Хезболах, иако нема докази дека Техеран наредил запленување на бродот вчера.
Погледнете го видеото подолу.
🚨 HIJACKING FOOTAGE: #Yemeni Houthi rebels hijacked an Israeli ship in the Red Sea in response to #Gaza_Genocide. It’s owned by Israeli billionaire Abraham “Rami” Ungar.
— Majid Freeman (@Majstar7) November 20, 2023
“All ships belonging to 🇮🇱, & those who deal with it, will become a legitimate target for the armed forces.” pic.twitter.com/Im8BUwwxS9
Хутите изминатиот викенд повторно предупредија дека ќе ги таргетираат „сите бродови“ поврзани со Израел. Јахја Сареа, нивниот воен портпарол, на Твитер порача дека тоа е одговор на „израелско-американската агресија“ и дека тоа значи за бродови што пловат под израелско знаме или управувани од израелски компании.
Сареа ги повика земјите да не дозволуваат нивните државјани да работат на овие бродови, како и да престанат да соработуваат со нив.
