Оваа недела, американскиот претседател Доналд Трамп рече дека би сакал да започне да работи на потврден нуклеарен мировен договор со Иран, откако ќе ја обнови својата кампања за максимален притисок врз земјата.
За време на неговиот претходен мандат во 2018 година, Трамп ги повлече САД од нуклеарниот договор на Техеран од 2015 година со светските сили и повторно воведе санкции кои ја осакатуваа иранската економија.
Острите мерки го натераа Техеран да ги прекрши нуклеарните ограничувања на пактот. „Да се преговара со Америка не е ниту паметно, ниту мудро, ниту чесно. Тоа нема да реши ниту еден од нашите проблеми. Причината? Искуството“, рече Хамнеи.
Иран постигна договор со САД и другите земји по двегодишни разговори, рече тој, но Американците не го почитуваа и покрај бројните отстапки од страна на Иран. „Едно лице го прекрши“, рече Хамнеи, алудирајќи на Трамп.
Висок ирански функционер за Ројтерс завчера изјави дека Иран е подготвен да им даде шанса на САД да ги решат споровите. Хамнеи рече дека Иран ќе возврати на ист начин доколку Американците го нападнат Иран. „Ако тие ја загрозуваат нашата безбедност, ние ќе се закануваме на нивната. Ако тие дејствуваат по нивните закани, ние ќе го сториме истото“, изјави тој.
„На хартија, Американците ја менуваат картата на светот. Се разбира, тоа е само на хартија и е лишено од реалност“, рече Хамнеи, мислејќи на предлогот на Трамп за насилно преселување на палестинските жители од Газа во соседните арапски земји.
