„Имавме многу добар разговор“, напиша фон дер Лајен на платформата X по виртуелната средба со американскиот претседател Доналд Трамп, европските лидери и украинскиот претседател Володимир Зеленски.
На таа средба, евроатлантските лидери формираа заедничка позиција пред средбата на Трамп со рускиот претседател Владимир Путин во петок во Алјаска, рече таа.
„Денес, Европа, САД и НАТО ја зајакнаа својата заедничка позиција во врска со Украина“, рече претседателката на ЕК, додавајќи дека „тие ќе останат тесно координирани“. „Никој не сака мир повеќе од нас, праведен и траен мир“.
Генералниот секретар на НАТО, Марк Руте, по „одличната“ средба изјави дека Европејците и Трамп се „обединети“ во напорите за ставање крај на војната во Украина.
„Топката сега е на теренот на Путин“, рече Холанѓанецот.
