Последното збогување ќе биде затворено за јавноста, ќе се соберат само семејството и најблиските пријатели, а Daily Mail дознава дека ќе се појават и четворица членови на One Direction - Хари Стајлс, Зејн Малик, Луис Томлинсон и Ниал Хоран.
Лиам Пејн трагично загина откако падна од балкон на хотел во Буенос Аирес во средината на октомври. Тој претходно јавно зборуваше за проблемите со менталното здравје и зависностите со кои се бореше. Имено, тој призна дека тешко се справувал со славата и дека конзумирал тешки дроги и алкохол додека пеел во One Direction.
По неговата смрт, многумина дебатираа кога и под кои услови младите таленти треба да бидат вклучени во светот на музичката индустрија. 140 илјади фанови на бендот One Direction потпишаа петиција за воведување на законот на Лиам, кој ќе ги заштити младите пејачи, а Роби Вилијамс застана на нивна страна.
„Во догледно време, кога ќе можеме, ќе кажеме повеќе. Сега ќе одвоиме малку време да тагуваме и да ја преболиме загубата на нашиот брат, кого неизмерно го сакавме. Неговите спомени ќе бидат вредни засекогаш. Нашите мисли се со неговото семејство, пријателите и обожавателите кои го сакаа, како нас, многу ќе ни недостасуваш, Лијам“, изјавија членовите на One Direction по неговата смрт.
