Таа во средата настапи во Токио по двомесечната пауза од нејзината турнеја Ерас. Пејачката за време на изведбата на песната „Vigilante S**t“ најчесто седи и танцува на стол, но овој пат погрешно го пресметала растојанието до столот кога тргна да седне.
Во видеото, кое стана вирално на X, поранешен Твитер, се гледа дека Свифт изгледа моментално шокирана додека седнува и сфаќа дека столот не е зад неа.
И покрај тоа што лебди во воздухот, Свифт не ја изгуби рамнотежата бидејќи остана наведната додека ја подаде раката за да се задржи. Таа уште еднаш покажа дека е голем професионалец затоа што поради оваа несреќа не го пропуштила ритамот од песната додека настапувала пред 55.000 луѓе.
she’s been doing her squats bc i would’ve fallen right on my ass pic.twitter.com/cN9XFou1yO
— kiks 💋⸆⸉ (@intoherfantasy) February 7, 2024
Многу фанови забележаа дека напорниот тренинг очигледно се исплател.
„Ги работела своите чучњеви, додека јас ќе паднев на задникот“, напишала личноста под видеото.
„Бутовите ѝ се веројатно толку силни што може така да седи цела песна без стол“, напишал друг.
Покрај тоа што седеше во воздух, Свифт имаше уште една несреќа. Имено, таа збрка неколку редови од песната „Драг читателу“ за време на делот од концертот на кој пее изненадувачки песни.
„Овие немирни солзи на проколнат човек“, пееше Свифт, наместо „Овие очајни молитви на проколнат човек“. Сепак, тоа не мора да биде случајност, бидејќи Свифт сака да им дава на своите фанови индиции за тоа што допрва ќе објави.
Пејачката и текстописец често им дава на фановите навестувања за нејзините претстојни проекти со нејзините модни избори, активноста на социјалните мрежи и криптични цитати.
Обожавателите бараат индиции сега повеќе од кога било кога Свифт треба да издаде сосема нов албум, The Tortured Poets Department, во април. Всушност, многумина веруваат дека белиот лак што го носеше за време на концертот во средата е исто така знак за новиот албум, кој содржи црно-бела комбинација на бои.
Свифт треба да излезе на сцената четири последователни вечери во Токио, пред да се врати во САД за да присуствува на Суперболот, каде што ќе игра нејзиното момче Тревис Келче.
