Џенифер Лоренс, американската актерка која остава апсолутно без зборови со секое од своите внимателно одбрани модни изданија за црвениот тепих, ниту овој пат не погреши и отиде дури и чекор понатаму.
Мегапопуларната актерка според многумина сега блесна во едно од своите најубави изданија во кариерата.
На 16-тото по ред доделување на наградите „Гувернерс“ во Холивуд, таа буквално блесна во снежнобел фустан кој максимално ја истакнуваше нејзината става и природна убавина, со кој покажа дека може да биде многу заводлива.
Фустанот е плисиран по целата должина и во исто време создава впечаток на елеганција и лежерност, има спуштени прерамки кои лежерно паѓаат преку рацете, но и многу сексапилен детаљ на „незгодно“ место што ѝ дава на креацијата, провокативен момент за барем моментално да одговори на актуелниот тренд на разголени фустани што долго време владее на сцената.
