Веста ја потврдија повеќе извори блиски до поранешната двојка, а причината за раскинувањето се уште не е позната.
Не се знаеше многу за нивната врска. Тие првпат беа поврзани во 2022 година, кога беа видени како разменуваат нежности на јахта во Кан. Нејзиниот идентитет, сепак, тогаш не беше познат.
Пет месеци откако Фокс заврши во болница, поточно во септември 2023 година, Page Six доби фотографии на кои се гледа парот како се држи за рака во одморалиштето Кабо Сан Лукас. Биле видени и како се бакнуваат на улиците на Лос Анџелес, како и на вечера во ресторан. Последен пат заедно беа фотографирани во октомври 2024 година на одмор во Мексико. Фокс претходно беше во врска со Кејти Холмс, со која раскина во 2019 година по шест години врска.
Да потсетиме дека Фокс неодамна сними специј за Нетфликс во Атланта, What Had Happened Was... Во него тој откри неколку досега непознати детали за неговата претходно мистериозна болест, од која заврши во болница минатата година и веќе на големо се зборуваше.
"Атланта, се вратив! Се борев за мојот живот, но сега сум тука, пред тебе. Интернетот се обиде да ме убие, рекоа дека сум парализиран. Рекоа дека нема да можам да одам и сега ме гледате“, рече добро расположениот Џејми.
