На фотографиите таа носеше шарени мини бикини, а заедно со објавата испрати и бакнежи до своите обожаватели. „Бакнежи од Сиднеј во моето омилено боди“, напиша таа покрај објавата.
Објавените фотографии ги воодушевија фановите кои ѝ дадоа многу комплименти. „Доаѓам, чекај ме на плажа“, „Убава си“, „Те обожавам“, „Колку си жешка“, „И јас ти праќам бакнежи“, „Само ќе речам - леле“, „Нашата кралица“, „Таа е едноставно совршена“, „Боже, омажи се за мене“, се дел од коментарите на Инстаграм.
Се шушка дека е свршена.
За потсетување, пејачката во декември минатата година на Инстаграм сподели серија фотографии на кои покажа како ги поминала празниците со семејството и момчето, британскиот актер Калум Тарнер (34). Обожавателите на една фотографија забележале дека 29-годишната пејачка носи дијамантски прстен на левата рака, што ги поттикна гласините за нивната свршувачка.
Иако ниту таа ниту нејзиното момче официјално не ја потврдија свршувачката, извор за британски The Sun изјавил дека парот се верил. "Дуа и Калум се многу заљубени и знаат дека ова е засекогаш. Тие се свршени и не можат да бидат посреќни. Дуа ја имаше една од најдобрите години во нејзината професионална кариера и ова беше шлаг на тортата".
Тие се во врска нешто повеќе од една година.
Да потсетиме, парот е во врска нешто повеќе од една година, но врската официјално ја потврдија минатото лето. Британскиот актер претходно беше во врска со актерката Ванеса Кирби, додека пејачката со албански корени ја прекина врската со францускиот режисер Ромен Гаврас во декември минатата година.
