Ајдан Никс (23), моден дизајнер и стилист, е ќерка на нивниот татко, агент за недвижности Мохамед Хадид, и жена по име Тери Хатфилд Дал. Мохамед и Тери имаа кратка романса откако се разведе од Јоланда Хадид во 2001 година.
„Пред повеќе од 20 години, нашиот татко, додека беше сам, имаше кратка афера што доведе до бременост“, изјавија Џиџи и Бела за Дејли Меил.
„Ајдан е родена и израсната во Флорида, растејќи со маж кого го познаваше како свој татко сè до неговата ненадејна смрт кога имаше 19 години“, додадоа тие.
Полусестрите се запознале кон крајот на 2023 година.
Според Џиџи и Бела, Никс потоа „одлучила да направи генетски тест од љубопитност“, што ја навело да ја открие својата „биолошка врска“ со моделите. Девојките се запознале кон крајот на 2023 година, а семејството Хадид наводно ја примило Ајдан со раширени раце.
.jpg)
Никс, која неодамна дипломирала на училиштето за дизајн „Парсонс“ на Менхетен, се запознала со целото семејство Хадид, вклучувајќи го и таткото Мохамед, кој сè уште јавно не го признал татковството.
„Го цениме ова неочекувано и прекрасно дополнување на нашето семејство“, рекоа Џиџи и Бела. Тие забележуваат дека воделе многу разговори за тоа како да ја поддржат, но и да ја заштитат Ајдан. Додаваат дека ја ценат својата приватност и побарале од јавноста да ја почитува желбата на нивната полусестра да остане малку подалеку од центарот на вниманието.
Дали отсекогаш знаел дека има дете со Тери?
Аферата на Мохамед со Дал, која работела како хипотекарен брокер, завршила кратко пред таа да открие дека е бремена. Мохамед наводно отсекогаш знаел за Никс, но не ѝ дал финансиска поддршка.
Покрај Џиџи и Бела, Мохамед и Јоланда (61) имаат син, Анвар Хадид (25). Што се однесува до Никс, таа била одлична студентка во Орландо. По завршувањето на средното училиште, таа се преселила во Њујорк каде што започнала кариера во модата. Стажирала кај разни стилисти и фотографи и работела како продавачка во продавницата „Harley's“.
