Нивната врска, поради големата разлика во годините, не престанува да ја интригира јавноста, а сега изгледаа опуштено и блиски на настанот што собра многу познати лица во Музејот на уметност во округот Лос Анџелес.
Тие се појавија заедно на модната ревија на Диор
Ова е уште едно во низата нивни заеднички излегувања. Во јуни 2023 година, тие го добија синот, Романо Пачино. Иако живеат на различни адреси, добитникот на Оскар е активно вклучен во животот на Роман и го одгледуваат заедно. Двојката првпат беше романтично поврзана во април 2022 година, но по раѓањето на нивниот син, тие објавија дека останале само пријатели.
Сепак, шпекулациите за можно повторно разгорување на романсата станаа погласни откако тие често се појавуваа заедно во јавноста во последните неколку месеци. Во февруари, тие присуствуваа на приватна забава во ресторанот Функе, каде што им се придружија Леонардо Дикаприо, Саша Барон Коен и Кевин Костнер.
Модната ревија на Диор ја собра холивудската елита
Овогодинешната ревија на Диор Круз имаше силен кинематографски и калифорниски визуелен допир, а новата колекција ја претстави креативниот директор Џонатан Андерсон. На настанот присуствуваа голем број актери, музичари и модни ѕвезди, меѓу кои Мајли Сајрус, Ања Тејлор-Џој и Маколи Калкин.
