Јувентус извонредно го започна своето учество на Светското клупско првенство откако доцна синоќа го „растури“ тимот на Ал-Аин од Обединетите Арапски Емирати со 5-0 во првиот натпревар во групата „Г“. „Бјанконерите“ демонстрираа класа и брзина, со кои буквално го здробија противникот во првото полувреме, кога постигнаа четири гола.
Коло Муани го отвори резултатот со глава во 11-тата минута, а десет минути подоцна Франциско Консеисао зголеми на 2:0. Во 31-вата минута, Кенан Јилдиз додаде спектакуларен гол од далечина, а Коло Муани повторно постигна гол за да зголеми на 4:0 пред полувремето. Во второто полувреме, Консеисао ги постави конечните 5:0 со својот втор гол.
Во вториот ноќешен дуел РБ Салцбург славеше над мексиканска Пачука со 2:1 во натпревар од групата „Х“. Натпреварот во Синсинати понуди сè – брзо темпо, шанси, грмотевици, едночасовна пауза и три одлични гола.
Второто полувреме започна со прекин од речиси еден час поради грмотевици над стадионот.
