Федералната антимонополска канцеларија побарала од Германската фудбалска Бундеслига да ги укине исклучоците од правилото 50+1. Станува збор за правило според кое клубот како германски соспственик мора да поседува најмалку 50% плус една акција за да ја задржи контролата и да спречи целосно преземање од страна на странски инвеститори. Три клуба од Бундеслигата кои се сега загрозени од барањето на антимонополската канцеларија се Баер (Л), РБ Лајпциг и Волфсбург, бидејќи тие се во сопственост на големи корпорации – фармацевтската компанија Баер, производителот на енергетски пијалоци Ред Бул и Фолксваген.
Во 2018 година, лигата побара од агенцијата да ја преиспита легалноста на долгогодишното правило. По седум години истрага, тие заклучија дека исклучоците треба да се укинат. Сега инвеститорите во Баер и Волфсбург кои не ги исполнуваат овие услови ќе мора да ги продадат своите акции во блиска иднина.
Досега исклучоци од ова правило им беа дадени на Баер (Л) и Волфсбург, каде што компаниите поседуваат 100% од акциите. И двата клуба планираат да одат на суд бидејќи им беа ветени посебни услови во 1999 и 2001 година. Организираните навивачки групи долго време се залагаат сите клубови да бидат еднакви пред законот.
„Одлуката ги зајакнува правата на членовите и навивачите да учествуваат во донесувањето одлуки. Бундеслигата мора да ги спроведе препораките на Антимонополската управа. Ова може да биде тешка задача, но на крајот ќе го зајакне германскиот фудбал и неговата единствена карактеристика – навивачите“, изјавил претставникот на навивачите.
