Сер Џим Ретклиф инвестираше дополнителни 79 милиони фунти во Манчестер Јунајтед, зголемувајќи го својот удел во клубот на 28,94%. Претходно, британскиот милијардер купи 27,7% од Јунајтед за 1,2 милијарди фунти, со неговата посветеност да внесе дополнителни 300 милиони долари (237 милиони фунти) дел од договорот.
Сега тој го зголеми својот удел за уште 100 милиони долари. Сопственоста на акциите, кои дотогаш беа на негово име, ја има пренесено и на неговата компанија Инеос. Ова е стандарден потег бидејќи сите негови други клубови и спортски групи кои ги поседува се под капата на Инеос. Сега тоа е веќе случај со Манчестер Јунајтед. Едноставно, кога беше направена зделката со Глејзерс, беше полесно да се имаат акциите на името на Ретклиф.
Според Бен Џејкобс, со оваа инјекција од 100 милиони долари, Ректлиф веќе целосно ја исполнил својата обврска од споменатата ветена инвестиција од 300 милиони.
Сумата што ќе влезе ќе биде наменета за инфраструктурата во клубот и нема да му користи на Рубен Аморим како дополнителен буџет за трансфери, тврди „Дејли мејл“.
