Карим Бензема и Ал-Хилал се разделија по само шест месеци, откако двете страни спогодбено го раскинаа договорот. Францускиот напаѓач во јануари пристигна во клубот од Ал-Итихад, но неговиот престој во Ријад траеше многу пократко од очекуваното. Бензема за Ал-Хилал одигра 16 натпревари, постигна 10 гола и забележа пет асистенции.
Триесет и осумгодишниот поранешен освојувач на „Златната топка“ сега е слободен играч, а според информациите, размислува меѓу продолжување на кариерата во Саудиска Арабија или пензионирање. Како можна опција се споменува и трансфер во МЛС, додека враќање во европскиот фудбал засега не се очекува.
