Беше четири години стратег на Барса, потоа беше три на Баерн Минхен, а во Манчестер Сити е од 2016. Јасно е дека тоа е Пеп Гвардиола, според многумина најдобриот тренер во историјата на фудбалот.
Иако оваа сезона му е најлоша во кариерата, има шанса да освои трофеј и тоа во ФА Купот, сепак Пеп и натаму е ценет и респектиран. Овој човек освои се што можеше да се освои како тренер.
Иако тренерски е доста млад (54), сепак тој размислува и на пензија или пак на еден подолг одмор.
Ова е изјавата на Пеп за тоа што ќе прави од јуни 2027 година па натаму, кога му истекува договорот со Манчестер Сити:
“Кога ќе ми истече договорот со Сити во јуни 2027, имам намера малку да сопрам што се вели. Ако не се пензионирам тогаш секако дека ќе земам подолг одмор. Како сакам да ме запаметат? Па, не знам, мислам дека фановите на Барса, Баерн и Сити уживаа кога ги гледаа моите екипи како играат“ рече покрај другото славниот Гвардиола.
