Германските „леопарди“, кои беа испорачани во Киев, се премногу скапи и не се „чудесно оружје“, рече генерал Јиржи Шедиви, поранешен началник на Генералштабот на чешката армија.
„Турците користеа „леопарди“ во операциите во Сирија против Исламската држава, а во само неколку операции изгубија најмалку десет возила“, изјави генералот за магазинот „Чздефенс“.
Шедиви, исто така, ги критикуваше западните политичари за нивното непознавање на вистинската состојба на работите во Украина, како и изјавите на военото и политичкото раководство на Киев за отсуство на загуби на фронтот, за кои тврди дека се во спротивност со реалноста.
Во исто време, генералот ги спомена критичките изјави на шефот на Здружениот генералштаб на САД, генерал Марк Мили, за ситуацијата во Украина.
Претходно германското Министерство за одбрана извести дека на 27 март во Украина пристигнале 18 тенкови „Леопард 2“ од типот А6, а минатата среда португалското Министерство за одбрана соопшти дека Киев добил уште три борбени тенкови „Леопард 2А6“.
Следниот ден, весникот Ел Паис, повикувајќи се на извори во шпанската влада, објави дека Мадрид ќе ги пренесе првите шест тенкови Леопард во Украина „веднаш по Велигден“, кој католиците го слават на 9 април.
Претседателот на Здружениот Генералштаб на САД, Марк Мили, за време на сослушувањето во Конгресот минатата недела, ги опиша целите на Володимир Зеленски, вклучително и „враќањето“ на Крим, како максималистички. Тој повтори дека САД не војуваат со Русија, туку само и помагаат на Украина во борбата за територијален интегритет, потсетува Новости.
