Три деца се пронајдени мртви денеска во близина на познатото шеталиште Кони Ајленд во Бруклин, Њујорк, а полицијата верува дека ги удавила нивната мајка, пренесува АП.
Потрагата по децата се интензивирала откако мајката била пронајдена сама. Полицијата испратила хеликоптер и маринци.
– Напорите да се оживеат децата во блиската болница пропаднаа – рекол Кори.
Полицијата веднаш не ги идентификувала децата ниту 30-годишната мајка. Не е донесена одлука со каква кривична пријава би можела да се соочи.
Телата на децата се пронајдени на само три блока од станбената зграда во која живееле.
Кори рекол дека полицајците ја пребарале плажата и пешачката патека, ги пребарале маалските улици и ја провериле локалната болница за деца пред мајката да биде пронајдена на патеката. Мајката претходно не била пријавена кај властите за злоупотреба или занемарување на своите деца, според АП.
