Трчањето е омилена активност за многумина…
Трчањето е одличен начин да дојдете во форма, но исто така може да биде од корист за речиси секој дел од нашето тело и да ни го подигне духот. Ако размислувате да започнете со трчање кога ќе прочитате сè за придобивките од оваа активност, веруваме дека уште утре ќе почнете да ја практикувате.
Трчањето го подобрува здравјето
Трчањето е всушност одличен начин за зголемување на целокупното здравје. Истражувањата покажуваат дека трчањето може позитивно да влијае на нивото на добриот холестерол, а во исто време да ви помогне да ја зголемите функцијата на белите дробови.
Се слабее
Трчањето е една од најдобрите форми на вежбање за губење или одржување на тежината. Човек со нормален индекс на телесна маса може да согори до 12 калории за една минута додека трча.
Ја зголемува самодовербата
Не сите придобивки од трчањето се физички. Трчањето може да даде забележителен поттик за вашата самодоверба и самопочитување. Со поставување и постигнување цели, можете да си дадете поголемо чувство на зајакнување што ќе направи да се чувствувате многу посреќни.
Го намалува стресот
Стресот може да предизвика голем број здравствени проблеми и проблеми со расположението. Може да го намали и вашиот апетит и квалитетот на сонот. Кога трчате, го принудувате вашето тело да го „исфрли“ вишокот енергија и хормони.
