Последните денови во медиумите една од горливите теми се секако “Ураганки“, поточно нивното распаѓање. Лавина од коментари се кренеле кога Ксенија Кнежевиќ ги избришала сите фотографии со колешките Сања Вучиќ и Ибана Николиќ, а потоа сите слики кои ги имало на оваа социјална мрежа.
Иако своевремено било соопштено од ПР службата на Ураганки, дека меѓу девојките се било во ред, а Ксенија овој потег го направила од приватни причини. Претпоставките сепак продолжиле, а сега за медиумите се огласил и продуцентот на групата Зоран Милинковиќ, кој истакнал дека во прашање е обична шпекулација и дека до распаѓање на групата може да дојде единствено со споразумен прекин на договорот.
– Во последните неколку месеци една од главните теми во медиумите е дека групата Ураганки се распаѓа без наведени конкретни и вистински причини. Како продуцент на групата и единствен кој одлучува за групата и за (не)распаѓање, би сакал да Ви потврдам официјално. Групата не се распаѓа. Секаде во светот постои природен и неприроден начин на распад на групи, во нашиот случај постои само природен начин.
Секако тоа е крај на договорот спрема одреден датум и споразумен крај на договорот. Поради ова Ве замолувам во иднина да ја имате и оваа информација во предвид. Што се однесува до групата, моментално песните “Чекори“ и “Легален“ одлично се примени кај публиката, а наскоро доаѓаат уште две нови песни. На приватен план кај девојките нема ништо ново – соопштил Милинковиќ.
