Најмалку шест затвореници се убиени, а деветмина ранети во борба меѓу две ривалски групи на затвореници во затвор на брегот на Мексиканскиот залив.
Полицијата во мексиканската држава Табаско соопшти дека немирите се случиле во дворот на затворот во главниот град на сојузната држава, Виљахермоса. Според полицијата, затворениците користеле рачно изработно ладно оружје.
Властите соопштија дека ја повратиле контролата над затворот, но не даваат дополнителни информации за состојбата на ранетите.
makfax.com.mk
