Делови од ракетата „SpaceX Falcon 9“ на милијардерот Илон Маск неконтролирано влегоа во атмосферата на Земјата пред шест дена, предизвикувајќи спектакуларен светлосен феномен видлив низ Европа пред фрагментите да се урнат на земјата на неколку локации низ Полска.
Деловите припаѓаат од втората фаза на ракетата Фалкон 9, која беше лансирана на 1 февруари од вселенската база Ванденберг во Калифорнија, носејќи нов сет на сателити Старлинк.
Втората етапа на ракетата, тешка околу четири тони, не успеа да ја заврши планираната деорбита, што резултираше со нејзино неконтролирано влегување во атмосферата над Полска помеѓу 4:46 и 4:48 часот по локално време.
Сведоци од Велика Британија, Холандија, Германија, Данска и Полска изјавија дека виделе светли огнени топки кои полека се распаѓаат на небото, а многумина ја споделија снимката на социјалните мрежи.
Falcon 9 upper stage reentry over Poland
— Chris Combs (iterative design enjoyer) (@DrChrisCombs) February 19, 2025
These do not in fact entirely burn up, which is becoming an issue given the launch cadence pic.twitter.com/n9oD1zQty7
На социјалната мрежа Х е објавено и видео од надзорна камера на кое очигледно се гледа моментот кога паднал дел од „Falcon 9“.
@SpaceX activities in Poland look like this.
— Jędrzej Kowalewski (@jj_kowalewski) February 20, 2025
Also, I think this is the first time someone has captured uncontrolled space debris hitting the surface.
Source: Elektro-hurt Aleksander Winter pic.twitter.com/COwpSE3lFm
Во складиштето на Адам Боруцки во Коморники, во близина на Познањ, откриен е голем објект „како резервоар“ (димензии приближно 1,5 x 1 m).
Друг идентичен контејнер е пронајден во шума во близина на селото Вири, на околу 30 километри. Дополнителни фрагменти се пронајдени во градовите Шливно и Самотули, северозападно од Познан.
Експертите ги идентификуваа објектите како композитни садови под притисок (COPVs) од горната фаза на Фалкон 9, астрономот од Харвард Џонатан Мекдауел потврди дека пронајдениот сад „има вистинска големина и форма за садовите COPV што се користат во горната фаза на Фалкон 9“.
