Реализиран Планинарски ,,Февруарски поход 2025" на Кожуф планина

23.02.2025
vesnik-fb-blue
vesnik-twitter-blue
Реализиран Планинарски ,,Февруарски поход 2025" на Кожуф планина

На традиционалниот планинарски марш учествуваа околу 120 планинарки и планинари од сите возрасти, од земјава и странство. 

-  Патеката што водеше од месноста Мушов гроб до село Мрежичко, преку кањонот на Мрежичка река, е долгa 13 километри и понуди прекрасни зимски пејзажи и предизвикувачки моменти. Планинарите уживаа во свежиот воздух и погледот на околните планински предели, ја почувствуваа природата во нејзиниот зимски облик. Крајната точка беше планинарскиот дом во село Мрежичко, појаснија организаторите. 

Долгогодишниот планинар Благој Лазов - Бенџо, рече за МИА дека оваа атрактивна планинарска акција нуди можност љубителите на природата да научат нешто повеќе за овој крај и да ги слушнат приказните поврзани со одредени месности на Кожуф планина. 

© vesnik.com, правата за текстот се на редакцијата