Можеби појавувањата на Меган Маркл и принцот Хари не изгледаат толку цврсто планирани како што всушност се. Тајни мејлови покажуваат што прават нивните моќни асистенти, зад сцената, за да ја претстават славната двојка во најдобро можно светло. Тие преписки се однесуваат на нивната посета на Њујорк во 2021 година, која беше прикажана во документарен филм на Нетфликс вреден 100 милиони долари.
За време на тридневната посета на Меган Маркл и принцот Хари на Њујорк, нивните помошници побараа специјални перници и нов тепих за едно државно училиште во една од областите со ниски приходи за подобро да одговараат на „естетиката на актерката“.
За време на тридневната посета на Меган Маркл и принцот Хари на Њујорк, нивните помошници побараа специјални перници и нов тепих за едно државно училиште во една од областите со ниски приходи за подобро да одговараат на „естетиката на актерката“.
Списокот на новинари кои можеле да присуствуваат на настанот бил строго контролиран, на списокот биле медиумски пријателски настроени кон Меган Маркл како Вог, додека британските таблоиди биле забранети.
Е-поштата откри дека учениците и наставниците во основното училиште во Харлем биле замолени да потпишат формулари за согласност за снимање, кои исто така им забранувале да разговараат за проектот или да даваат негативни коментари за славната двојка.
Одењето во Њујорк требаше да ги претстави како светски лидери затоа што во тоа време беа и во ОН. Меган Маркл и принцот Хари одржаа говор на фестивалот Глобал Ситизен во Централ Парк, додека екипата на Нетфликс снимаше за документарниот филм „Хари и Меган“, кој се емитуваше минатиот декември.
Посетата на Големото јаболко беше планирана за шест месеци, а главниот говор го водеше советничката за односи со јавноста, Тоја Холнес, која претходно работеше во Одделот за образование во Њујорк.
Дејли мејл, кој добиl пристап до е-поштата преку барање за ПДИ, пишува дека 91 процент од учениците во ова училиште се црнци и so шпанско потекло – 95 проценти од нив се квалификуваат за бесплатни оброци или училишни оброци по намалена цена, па истакнува дека Меган Маркл ја посетила таа образовна институција во капут од кашмир Loro Piana од 5.840 долари и панталони од брендот од 1.680 долари.
