Хранел крави и сфатил дека ја изгубил бурмата. Тој темелно ја пребарал шталата, но не можел да ја најде, пренесува Passauer Neue Presse.
Ја изгубил бурмата, а потоа ја дознал вистината
Фармерот се оженил две години порано и бил многу тажен, верувајќи дека засекогаш ја изгубил бурмата. А потоа, четири месеци подоцна, се случил неочекуван пресврт.
Во неговата куќа заѕвонил телефонот, а се испоставило дека му се јавува месарот Јозеф Штајнлајтнер (59). Тогаш ја дознал неверојатната вест! Неговиот венчален прстен бил пронајден во стомак на крава.
Месарот работел на место оддалечено педесетина километри, а 32-годишниот Брандхубер веднаш влегол во автомобилот и нагазил на гас.
Metzger findet Ehering eines jungen Bauern in Kuhpansen: Seit Monaten war der Ring des 32-Jährigen verschollen - bis der Metzger beim Ausleeren des Vormagens eine goldige Entdeckung machte. https://t.co/tbxXzqmvHv
— Süddeutsche Zeitung (@SZ) April 8, 2025
Кравите голтале метални предмети
Се испоставило дека кравата, која се викала Херзал, што на локалниот дијалект значи „мало срце“, го проголтала прстенот заедно со овесот и тој останал во нејзиниот дигестивен систем.
"Никогаш не сум доживеал вакво нешто. Ова се случи само затоа што го обработуваме месото рачно. Еден од вработените забележал мал сјаен предмет и го спасил", објаснил Штајнлајтнер, кој е месар 40 години.
Тој додава дека во стомакот на кравите претходно пронашле разни метални предмети, но никогаш накит.
Брандхубер се вратил дома пресреќен, а неговата сопруга открила дека никогаш не изгубила надеж дека бурмата ќе биде пронајдена.
