Но, сега, морничавиот град на духови во близина на националниот парк „Joshua Tree“ би можел повторно да „оживее“, откако мистериозен купувач го купил за неверојатни 20,7 милиони евра. Компанијата наречена „Ecology Transportation Services“ го купила градот од друга компанија, пренесува <a href="https://www.msn.com/en-us/news/us/eerie-ghost-town-abandoned-for-40-years-sold-to-mystery-buyer-for-18-000-000/ar-AA1bxIgF?ocid=winp1taskbar&cvid=57f0508ae44441fe83974d27962cdf88&ei=6" target="_blank"><u><b> msn.com.</b></u></a>
За купувачите се знае многу малку, освен деловната адреса наведена како „Cerritos, California“ – и фактот дека таа наводно е поврзана со транспортна служба.
Најголемиот дел од граѓаните биле вработени во рудникот на компанијата „Kaiser Steel“, а работниците ископувале железна руда. Но, кога високиот приход се намалил, рудникот бил затворен и голем дел од населението си заминало. Градот ја имал својата златна ера од доцните 1940-ти, додека не почнал да исчезнува во 1970-ти.
До ноември 1981 година Kaiser Steel почнал да го затвора рудникот, а две години подоцна градот бил сосема напуштен. Оттогаш е покриен со песок, а останале само неколку надзорници кои ги чувале стотиците напуштени згради во некогашното идилично опкружување. Во поранешната градска куглана, кафуле и други згради, исто така, биле сместени 438 затвореници од затворот со слаба безбедност од 1988 година до затворањето, откако двајца мажи биле убиени во нереди во 2003 година.
Холивудските продуценти дури и го искористиле градот за снимање на филм. Останува да видиме каква иднина го чека гратчето на „орловската планина“.
Уште еден град, наречен „Desert Center“ се наоѓа на истиот пат, оддалечен некои 20 километри. Го купил бизнисмен кој се занимавал со транспорт на камиони во 2021 година. Тој најавил дека таму сака да развие постојка за камиони, бензинска пумпа и хотел.
