Москва, која започна инвазија на Украина во февруари 2022 година, и Киев се обвинуваат меѓусебно за уништувањето на хидроелектраната и браната Каховка, што предизвика поплави од реката Дњепар.
„Разговаравме за многу важни прашања. Оперативната состојба во регионот како резултат на катастрофата, евакуацијата на населението од потенцијалните зони на поплави, решавањето на вонредната ситуација предизвикана од експлозијата на браната, организацијата на живот во поплавените подрачја“, напиша Зеленски на Телеграм, каде што објави видео од неговата посета.
„Исто така, изгледите за обновување на регионалниот екосистем и оперативната воена ситуација во областа на вештачката катастрофа“, рече тој.
Херсон лежи на реката Дњепар, околу 60 километри низводно од браната Каховка. Во одвоено соопштение, исто така придружено со видео, претседателот рече дека посетил патен премин каде луѓето биле евакуирани.
Разом з Президентом @ZelenskyyUa та командою перебуваємо на Херсонщині.
Проведена координаційна нарада щодо ліквідації наслідків підриву греблі Каховської ГЕС. pic.twitter.com/XruHPMHnli
— Andriy Yermak (@AndriyYermak) June 8, 2023
Гувернерот на Херсон претходно денеска изјави дека 600 квадратни километри од регионот е под вода, најголемиот дел од страната на реката окупирана од Русија и дека речиси 2.000 луѓе веќе ги напуштиле погодените области.
„Важно е да се пресмета штетата и да се доделат средства за компензација на жителите погодени од катастрофата и да се развие програма за компензација за загубите или преместување на бизнисите во регионот Херсон“, рече Зеленски.