35-годишната жена, идентификувана како Ксенија П. според полските закони за приватност, била приведена на железнички премин меѓу Полска и Украина врз основа на црвена потерница на Интерпол, изјави Марта Петковска, портпаролка на обвинителството во Пжемисл, јавува Ројтерс.
Обвинителите не објаснија зошто жената не била во затвор во Казахстан во моментот кога била запрена на граничниот премин, ниту кога била осудена.
Интерпол издаде црвена потерница за неа уште во ноември 2020 година, соопштија обвинителите. Ова е меѓународно барање до полициските служби ширум светот за привремено апсење на лице кое чека екстрадиција или слични правни постапки. Жената е осудена за учество во меѓународна организирана криминална група која незаконски набавувала човечки органи и ткива и ги продавала на црниот пазар од 2017 до 2019 година, објасни Петковска.
Таа, исто така, беше прогласена за виновна за нелегална трговија со бубрези на најмалку 56 жртви од Казахстан, Ерменија, Азербејџан, Украина, Киргистан, Таџикистан, Узбекистан и Тајланд. Таа тргувала со органи за профит, а криминалните активности ги претворила во постојан извор на приход.
Обвинителството поднесе барање до судот за нејзин привремен притвор во траење од една недела со цел да се подготви за постапка за екстрадиција во Казахстан.
