Тој ја даде изјавата во Овалната соба како одговор на новинарско прашање за реакцијата на пазарот на војната, и откако опширно зборуваше за плановите за изградба на балска сала во Белата куќа, пренесува Скај њуз.
Трамп со тоа ги потврди своите претходни изјави за NBC News, велејќи дека САД „многу наскоро ќе го напуштат Иран“, а потоа прецизираше дека тоа ќе се случи за „две или три недели“. Тој предвидува дека по повлекувањето на американските сили, цените ќе „преципираат“.
Целта на војната е постигната
Претседателот истакна дека главната цел на војната била да се спречи Техеран да развива нуклеарно оружје. „Го постигнавме тоа“, рече тој. „Сега ја завршуваме работата. Мислам дека ќе ја завршиме за две недели, можеби еден ден или така. Сакаме да уништиме сè што имаат“.
Иако спомена дека пред повлекувањето е можен „договор“ меѓу Вашингтон и Техеран, Трамп ја намали важноста на преговорите. „Не е важно дури ни дали ќе седнат на преговарачка маса. Ги вративме 15 до 20 години назад. Тие немаат морнарица, армија или воздухопловни сили“, рече тој. „Тие се оставени без лидерство.“
