Памела Хемфил, која ја призна вината и беше осудена на 60 дена затвор, изјави за Би-Би-Си дека не треба да има помилување за немирите на 6 јануари 2021 година.
„Прифаќањето на помилување само ќе ги навреди полицајците од Капитол, владеењето на правото и, се разбира, нашата нација“, рече таа.
„Се изјаснив за виновна затоа што бев виновна, а прифаќањето на помилувањето само ќе придонесе за искривување на вистината и лажниот наратив.“
Хемфил, која корисниците на социјалните мрежи ја нарекоа „Мага баба“ - алудирајќи на слоганот на Трамп „Направи ја Америка повторно голема(МАГА)“, рече дека ја гледа администрацијата на Трамп како обид да се препише историјата, во што не сака да биде дел.
„Направивме грешка тој ден, го прекршивме законот - не треба да има помилување“, изјави таа за Њуздеј на Би-Би-Си.
Idaho woman who became known as 'MAGA Granny' and spent time in prison for her role on Jan. 6 says she's rejecting Trump's pardon:
— BNO News Live (@BNODesk) January 22, 2025
"I broke the law. I'm not a victim ... The message is, if I took a pardon, that what I did that day was ok ... I was wrong that day" - KTVB pic.twitter.com/OA6BDgT2Mv
Одлуката на Трамп да помилува или да ги ублажи казните на речиси 1.600 луѓе вклучени во обидот за насилно поништување на резултатите од изборите во 2020 година дојде само неколку часа по почетокот на неговото претседателствување.
На вчерашната прес-конференција во Белата куќа тој рече дека се држани во нехумани услови. „Овие луѓе веќе поминаа години во затвор и ги поминаа на ужасен начин. Тоа е одвратен затвор. Беше ужасно. Нехумано. Беше страшна, страшна работа.“
