Директорот на ЦИА Џон Ретклиф во средата објави дека Соединетите Држави го прекинале споделувањето разузнавачки информации со Украина. Овој потег уследи по одлуката на Вашингтон веднаш да ја замрзне сета воена помош за Украина.
Според Ројтерс, на прашањето дали ќе стави крај на суспензијата на споделување разузнавачки информации, Трамп им рече на новинарите: „Само што не сме го направиле тоа, Само што не сме“.
Трамп, исто така, рече дека е оптимист за претстојните разговори меѓу американските и украинските претставници во Саудиска Арабија. Делегациите ќе се сретнат утре во градот Џеда за да разговараат за рамката за потенцијалниот мировен договор меѓу Украина и Русија.
Паузата во размената на разузнавачки информации ги направи украинските цивили поранливи на смртоносните руски воздушни напади. Њујорк Тајмс (NYT) објави дека замрзнувањето може да влијае на клучните предупредувања за влезните руски беспилотни летала и ракети.
Во деновите по стапувањето во сила на замрзнувањето, Русија изврши ракетни напади врз градовите Кривји Рих и Добропил, при што загинаа 15 луѓе, а беа повредени повеќе од 80. Според Зеленски, Русија лансирала речиси 1.200 воздушни бомби, речиси 870 нападни беспилотни летала и повеќе од 80 проектили во Украина во текот на минатата недела.
Трамп вчера изјави дека верува оти Украина ќе потпише договор за критичните минерали со САД, нагласувајќи дека тој исто така сака да види индиции дека Киев е подготвен за мир. „Тие ќе потпишат договор за минерални суровини, но јас сакам да сакаат мир... Тоа не го покажаа онолку колку што треба“, предупреди тој.
