Доналд Трамп во завршните зборови по средбата со кинескиот претседател Си Џинпинг американскиот претседател заблагодарувајќи му се порача дека имале „навистина одлични неколку дена“. Тој рече дека „станале пријатели со сите нив“. Тој објави дека кинескиот претседател ќе ги посети САД во септември и додаде дека се надева дека ќе си замине „многу импресиониран, исто како што сум многу импресиониран од Кина“.
Автомобилската поворка на американскиот претседател Доналд Трамп пристигна на Меѓународниот аеродром „Капитал“ во Пекинг, со што ја заврши неговата кратка посета на Кина. Тој беше придружуван на пистата од почесна гарда, а црвен тепих беше поставен до скалите на претседателскиот авион „Ер Форс Уан“, кој Трамп го користи за враќање во Соединетите Држави.
Средба со кинескиот лидер Непосредно пред да оди на аеродромот, Трамп престојуваше во Џонгнанхаи, комплексот во кој се наоѓа седиштето на Комунистичката партија. Кинескиот лидер Си Џинпинг таму беше домаќин на билатерална средба со чај и работен ручек.
Доналд Трамп изјави дека го губи трпението со Иран откако разговараше за војната со кинескиот претседател Си Џинпинг во Пекинг.
Белата куќа соопшти дека Трамп и Си се согласиле дека Ормускиот Теснец треба да биде отворен, откако Иран го затвори за најголемиот број бродови по почетокот на американско-израелските напади на 28 февруари, што доведе до досега невидено глобално нарушување во снабдувањето со енергенси. Кина е најголемиот купувач на иранската нафта.
„Нема уште долго да бидам трпелив. Иран мора да склучи договор“, кажа Трамп за „Фокс њуз“, осврнувајќи се и на иранските залихи на збогатен ураниум.
„Би се чувствувал подобро ако ги добијам, но не е неопходно“, рече тој.
Трамп тврди дека Шји му ветил дека Кина нема да му праќа воена опрема на Иран.
„Тој рече дека нема да дава воена опрема и тоа е голема изјава. Си би сакал да се постигне договор и ми рече: ‘Ако можам да помогнам, би сакал да помогнам‘“.
Трамп сака да добие кинеска поддршка за да стави крај на војната што стана голема пречка пред меѓуизборите во САД во ноември. Но, аналитичарите се сомневаат дека Шји ќе биде подготвен силно да го притисне Иран или да ја прекине поддршката за неговата војска.
