Трамп во објава на својата платформа Truth Social соопшти дека ќе го номинира пензионираниот генерал Ден „Разин“ Кејн за наследник на Браун. Поранешен борбен пилот на Ф-16, Кејн беше заменик-директор за воени прашања во Централната разузнавачка агенција (ЦИА) до 2024 година.
Трамп ќе ја смени и заменик-шефицата на американската морнарица, адмиралката Лиза Франчети, како и заменик началникот на воздухопловните сили и главните воени судии во армијата, морнарицата и воздухопловните сили, објави Пентагон. /МИА
